Фото 2018

Gallery

 

СООПШТЕНИЕ ДО МЕДИУМИ

На  5 јуни 2018 год. во Младинскиот Културен Центар – Скопје се одржа седмиот Trash Fashion Macedonia 2018 натпревар на модни креации направени со редизајнирани материјали од отпад, кои ги изработија тимови од 35 средни училишта во Македонија.

Училиштата на сцената се претставија со модели изработени на тема „Мода од иднината“. Моделите беа изработени од пластични шишиња, хартија, фото церади, фолии,  дискети и многу други видови на отпад.

Годинава, петчленото жири во состав: Ико Брдароски- Пакомак, Ана Зафирова – новинар, Марија Мечева – главен уредник на Fashionel.mk, Марија Ивановска – Eye Cue, Милица Џаровска – новинар од Женски Магазин ги избраа првите три места, а тимот кој употреби најмногу ПЕТ амбалажа за моделот ја доби наградата TrashForArt од ПАКОМАК.

Првото место му припадна на тимот од СОУ „Ѓорче Петров“ Крива Паланка, со креацијата наречена „The 3rd element“ изработена од картон, хартија, пластика. Второто место отиде во рацете на моделот „Еуфорија“ од  од ДУСО „Димитар Влахов“ од Скопје, а пак третото во Богданци за моделот „Sunshine” од СОУ “Богданци”. Наградата TrashForArt ја доби моделот „Ѕвонатела“ од СОУ „Илинден“ од Скопје.

Наградниот фонд го обезбедија ПАКОМАК, Веб академијата Еверест, Божиновски часовници и накит и Витаминка.

Trash Fashion Macedonia 2018 е во организација на „Здружението на граѓани ОХО,“ и e дел од програмата „Интеграција на еколошката едукација во македонскиот образовен систем,“ а се оддржува по повод 5-ти jуни – Светскиот ден на животната средина и е единствен настан во регионот од ваков вид, кој веќе пет години по ред предизвикува огромно внимание во домшаните и странските медиуми.

Тимот на OXO.

2016

На  2 јуни 2016 год. во Младинскиот Културен Центар – Скопје се одржа шестиот по ред Trash Fashion Macedonia 2016 натпревар на модни креации направени со редизајнирани материјали од отпад, кои ги изработија тимови од 38 средни училишта во Македонија.

Училиштата на сцената со настапи од по 60 секунди се претставија со модни креации на тема „Филмски и цртани ликови“ меѓу кои Ѕвончици, Пепелашки, Спајдермен, Ѓаволот носи Прада, Малефисиенти и многу други изработени од различни видови отпад: пластични кеси, хартија, жици, старо компјутерско столче.

Годинава, тричленото жири во состав: Бранислава Јанковска – Fashion Lover, Катарина Ивановска – светски познатата манекенка и Бојан Трајковски – фронтменот на музичката група “Eye Cue”  избраа првите три места:

Прво место за тимот од СУГС „Јосип Броз Тито“ од Скопје, со креацијата наречена „She-Edward“ изработена од копчиња од тастатури, најлонски јажиња, патенти и кабли. Второ место од училиштето ДУЦОР “Партенија Зографски”од Скопје, со креацијата „Мајкл Џексон“ изработена од најлон, картон, селотејп, изолир траки, хартија. Третото место отиде во рацете на СОУ „Наум Наумовски – Борче“ од Крушево кои се претставија со креацијата „Кралица Елизабета“ изработена од отворачи за лименки, пластични кеси, хартија и жица. Наградниот фонд го обезбедија Божиновски и Еуро-Екопак ДОО кои доделија вредносни ваучери на победничките тимови.

Trash Fashion Macedonia 2016 е во организација на „Здружението на граѓани ОХО,“ и e дел од програмата „Интеграција на еколошката едукација во македонскиот образовен систем,“ а се оддржува по повод 5-ти jуни – Светскиот ден на животната средина и е единствен настан во регионот од ваков вид, кој веќе пет години по ред предизвикува огромно внимание во домшаните и странските медиуми.

Каталог 2016